«Telegram» O‘zbekistonda yana birinchi
«Telegram» messenjeri «App Store O‘zbekiston» reytingida «Yandeks.Taksi»ni birinchi o‘rindan pastga tushirib yubordi. Bu haqda «App Annie» ma’lumotlariga asoslanib, «Spot» xabar berdi.
7-maydan buyon ilk bora Durovning messenjeri yana «iOS» foydalanuvchilari orasida eng ko‘p ko‘chirib olinadigan mobil dasturga aylandi.
Grafikadan ko‘rish mumkinki, «Telegram» vaqti-vaqti bilan 3 va undan past o‘rinlarga ham tushib ketgan. Bu vaqt davomida «Yandeks.Taksi» deyarli birinchi o‘rindan siljimagan. Reytingdagi top-5talikni an’anaviy ravishda «Instagram», «imo» va «shareIT» egallab kelmoda.
«Telegram»ning yana yetakchiga aylanishiga may oyi davomida uning deyarli nuqsonlarsiz ishlagani sabab qilib ko‘rsatilmoqda. Eslatib o‘tamiz, aprel oyida mazkur servis ishida bir necha bor uzilishlar kuzatilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter