Meksika prezidenti Andres Manuel Lopes Obrador 2024-yilgi saylovda o‘z lavozimini saqlab qolish uchun kurashmasligini e’lon qildi.

Obrador o‘z hukumati tomonidan boshlangan asosiy loyihalar 2024-yilgacha to‘liq uddalanishiga ishonmoqda. Shundan so‘ng u prezidentlikdan xotirjam ketmoqchi.

«Ixtiyorimizda yana 2 yil va 5 oy bor. Biz boshlagan ishlarni balki boshqa hukumat yakunlab qo‘yar, buni vaqt ko‘rsatadi. Men esa loyihalarimizni o‘zimiz uddalashimizga ishonyapman. O‘zingni almashtirib bo‘lmas deb hisoblash — xato fikr. Mol-davlatga qattiq bog‘lanib qolish kerakmas», — dedi Meksika prezidenti.

Obradorning prezidentlik davrida yirik loyihalar amalga oshirilishi boshlandi: 2022-yilda Mexikoda yirik aeroport foydalanishga topshirildi, mamlakat janubida bir nechta shtatlarni bog‘lovchi 1,5 ming kilometr uzunlikdagi temir yo‘l qurildi. Qolaversa, amaldagi prezident mamlakat poytaxti 2023-yilga borib o‘zini to‘liq motor yonilg‘isi bilan ta’minlashiga erishmoqchi. Buning uchun mamlakatdagi qator neftni qayta ishlovchi zavodlar tiklandi, AQShning Texas shtatidagi neftni qayta ishlash zavodi Meksika tomonidan sotib olindi.

Andres Manuel Lopes Obrador hozir 68 yoshda. 2018-yilning 1-dekabridan Meksika prezidenti.