IT-vizasi bor chet elliklarga yangi imtiyoz berildi
Ularga tibbiy xizmatlar o‘zbekistonliklarga o‘rnatilgan narxlarda ko‘rsatiladi.
Sog‘liqni saqlash vazirining «Chet el fuqarolari va fuqaroligi bo‘lmagan shaxslarga tibbiy yordam ko‘rsatish tartibi to‘g‘risidagi nizomning 6-bandiga qo‘shimcha kiritish haqida»gi buyrug‘i qabul qilindi (ro‘yxat raqami 3355-1, 20.06.2023 yilda ro‘yxatdan o‘tkazilgan).
Hujjatga muvofiq, «IT-visa»ga ega bo‘lgan xorijiy fuqarolar, shuningdek ularning oila a’zolari (turmush o‘rtog‘i, ota-onasi va farzandlari) tibbiy xizmatlar uchun O‘zbekiston Respublikasi fuqarolari uchun belgilangan tariflar bo‘yicha haq to‘lash huquqiga ega.
Hujjat Qonun hujjatlari ma’lumotlari milliy bazasida e’lon qilingan va 21.06.2023 yildan kuchga kirdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter