«Google» shaxsiy emodzi yasovchi ilova chiqardi
«Google» kompaniyasining «Mini» ilovasi chuqur mashina o‘qitish, neyrotarmoqlar va rassomlarning asarlari asosida individual emodzi-simvollar yaratish imkonini beradi, deb xabar bermoqda «Engadget».
Ilovani «iOS» va «Android» smartfonlarga o‘rnatish mumkin. Shaxsiylashtirilgan emodzini yaratishda kishining xos xususiyatlari — terisi va sochining rangi, yuz, qosh, ko‘z tuzilishlari inobatga olinadi. Emodzi yasash uchun foydalanuvchi o‘zining selfi suratini olsa bas: sun’iy intellekt suratlar bazasidan unga eng o‘xshash emodzini topib beradi.
«Google» kompaniyasi «Mini»ni o‘tgan yili chiqarishga uringandi — servisdan faqat «Allo» ilovasida foydalanish mumkin edi. Shundan beri o‘tgan davrda texnologiya biroz o‘zgardi, biroq emodzilar baribir uncha o‘xshamapti, deyiladi nashr izohida.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter