O‘qishni ko‘chirish yo qayta tiklashga arizalar qabul qilish muddati ma’lum
2018/2019-o‘quv yilida respublika oliy ta’lim muassasalariga talabalar o‘qishini ko‘chirish va qayta tiklash bo‘yicha arizalar quyidagi oliy ta’lim muassasalarida tashkil etilgan hududiy Ishchi guruhlari tomonidan joriy yilning 15-iyulidan 5-avgustiga qadar qabul qilinadi.
Toshkent shahar va Toshkent viloyatida istiqomat qiluvchi talabalarning arizalari Toshkent davlat pedagogika universitetining binosi (Chilonzor tumani, Bunyodkor ko‘chasi, 27-uyda joylashgan, mo‘ljal: metroning «Chilonzor» bekati)da qabul qilinadi.
O‘qishini ko‘chirish (qayta tiklash) istagini bildirgan fuqarolardan quyidagi hujjatlarni hududiy Ishchi guruhlariga taqdim etishlari so‘raladi:
1. Ko‘chirish (qayta tiklash) to‘g‘risidagi ariza (ariza blankalari hududiy Ishchi guruhlari tomonidan beriladi).
2. Talabaning reyting daftarchasi yoki belgilangan shakldagi akademik ma’lumotnoma nusxalari.
3. Pasport nusxasi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter