Oliy va o‘rta maxsus ta’lim vazirligi vakolatidagi talabalar o‘qishini ko‘chirish bo‘yicha ro‘yxatdan o‘tkazilgan arizalar (mos va turdosh yo‘nalishlar bo‘yicha) vazirlik komissiyasi tomonidan ko‘rib chiqildi.

Ko‘rib chiqish natijalari ariza mualliflariga quyidagi tartibda e’lon qilinadi:

O‘qishi ko‘chirilishi tavsiya etilmaganligi bo‘yicha ma’lumotlar ariza mualliflarining transfer.edu.uz elektron tizimidagi shaxsiy kabinetlariga yuboriladi.

Shunga ko‘ra ushbu toifadagi talabalar ertaga, 5 sentyabr kuni soat 10:00 dan boshlab arizalarining ko‘rib chiqish natijalari bo‘yicha shaxsiy kabinetlari orqali ma’lumot olishlari mumkin.

O‘qishi ko‘chirilishi tavsiya etilgan talabalar ro‘yxati 6 sentyabr kuni 16:00 dan boshlab talabalar o‘qishi ko‘chirilishi so‘ralgan OTMlarning rasmiy veb-saytlarida e’lon qilinadi.

O‘qishi ko‘chirilishi tavsiya etilgan talabalarning bazaviy yoki tabaqalashtirilgan to‘lov-kontrakt asosida ko‘chirilishi muayyan OTM tomonidan uzrli sabablarni asoslovchi hujjatlarning asli ko‘rib chiqilgandan so‘ng belgilanadi.