Magistratura imtihonlarida ishtirok etib, mutaxassislik fanidan belgilangan maksimal ballning 40 foizi (40 ball) va undan yuqori ball to‘plagan abituriyentlarni tegishli oliy ta’lim muassasasi tomonidan belgilangan to‘lov-kontrakt asosida ballar ketma-ketligiga qat’iy amal qilgan holda qo‘shimcha qabul qilishga ruxsat berildi. Bu haqda Oliy va o‘rta-maxsus ta’lim vazirligi xabar berdi. 

Magistraturaga kirish imtihonlarida ishtirok etib, yuqoridagi talabni bajargan talabgorlar tegishli oliy ta’lim muassasasi qabul komissiyasiga 2021-yil 9-noyabrdan murojaat qilishlari mumkin.

To‘lov shartnoma miqdorining kamida 50 foizini bajarishning oxirgi muddati 2021-yil 20- noyabr.

O‘zbekiston Respublikasi Prezidentining 2021-yil 22-iyundagi PQ–5157-son qarori ()ga ko‘ra, magistratura mutaxassisliklariga qo‘shimcha qabul to‘lov-kontrakt miqdori bir talabaning o‘qishi uchun sarflanadigan xarajat miqdoridan kelib chiqqan holda oliy ta’lim muassasasi tomonidan belgilanadi.