Davlat komissiyasi majlisining 2020-yildagi 1-son bayoniga muvofiq 2020-yil 5-iyuldan 20-iyulga qadar kasb-hunar maktablariga kasb-hunar egallash istagida bo‘lgan 9-sinf bitiruvchilarining hujjatlari onlayn qabul qilinadi.

2020/2021-o‘quv yili uchun kasb-hunar maktablariga 9-sinf bitiruvchilarining hujjatlarini qabul qilish jarayonlari onlayn tarzda kasb.edu.uz elektron platformasi orqali amalga oshiriladi.

O‘quvchilar ushbu platforma orqali 200dan ortiq kasblardan tanlash imkoniyatiga ega.

9-sinf bitiruvchilari quyidagi hujjatlarni topshiradilar:

• Elektron ariza
• Umumta’lim maktabining 9-sinfni tugatganligini tasdiqlovchi shahodatnoma (elektron) nusxasi.
• 3x4 fotosurat

Kasb-hunar maktablarida quyidagi va boshqa turdagi kasblar bo‘yicha kadrlar tayyorlanadi:

•  tikuvchi;
• chilangar;
• issiqxona va parnik xo‘jaligi laboranti;
• avtomobillarni ta’mirlash chilangari;
• oshpaz;
• qandolatchi;
• asalarichi.

Kasb-hunar maktablarining afzalligi, bu yerda 2 yil davomida umumta’lim va mutaxassislik fanlari integratsiyalashgan dasturlari asosida o‘qitiladi. O‘quvchiga o‘zi tanlagan kasb bo‘yicha bilim beriladi.

Fuqarolar Oliy va o‘rta maxsus ta’lim vazirligida professional ta’lim muassasalariga qabul jarayonlari bo‘yicha tashkil etilgan «Call markaz»ga qo‘ng‘iroq qilib, o‘zlarini qiziqtirgan barcha savollarga javob  olishlari mumkin.

Telefon: (71) 246-11-92