Prezident tashabbusi asosida maktablarga kitob sovg‘a qilish an’anasi davom etmoqda.

Kecha, Bosh vazir Abdulla Aripov Surxondaryo viloyati Jarqo‘rg‘on tumani Kakaydi qo‘rg‘onidagi 5-maktab kutubxonasiga kitoblar sovg‘a qilgandi.

So‘ng Axborot va ommaviy kommunikatsiyalar agentligi bosh direktori Komil Allamjonov kasb-hunar kolleji kutubxonasiga kitoblar jamlanmasini tuhfa etdi.

Mazkur chellenjni Xalq ta’limi vaziri Sherzod Shermatov davom ettirib,  Toshkent shahar Olmazor tumanidagi 22-maktabga bir taxlam kitoblar bilan bordi.

Bugun, 26-mart kuni O‘zbekiston Respublikasi Prezidentining yoshlar, fan, ta’lim, sog‘liqni saqlash va sport masalalari bo‘yicha maslahatchisi Abdujabbor Abduvoxitov Buxoro viloyati Shofirkon tumanidagi 38-maktabda bo‘lib, o‘quvchilarga kitoblar sovg‘a qilgan.

«Book challenge» bevosita davlatimiz rahbari tashabbusi bilan ishlab chiqilgan yangi loyiha bo‘lib, unda har bir rahbar o‘zining shaxsiy kutubxonasidan o‘zi ta’lim olgan maktab kutubxonasiga kitoblar sovg‘a qiladi.