Qozog‘istonning Olmaota shahrida o‘tkazilgan «48 Hour film race» festivalida yosh rejissyor Shokir Xoliqovning «Messi» qisqa metrajli filmi bir vaqtning o‘zida ikki mukofotga loyiq ko‘rildi.

Shokir Xoliqovning «Choy» filmi Kann kinofestivalida Gran pri mukofotiga sazovor bo‘lgan edi.

«Choy» qisqa metrajli filmi bilan Xalqaro festivallarda g‘olib bo‘lgan yosh rejissyor Shokir Xoliqov oddiy servis bilan taqdirlanganida ijtimoiy tarmoqlarda keskin muhokamalar yuzaga kelgandi.

Ikki o‘zbek rejissyori Botir Abdurahmonov hamda Abduazim Ilhomov olgan «Mama» filmi Venetsiyadagi xalqaro kinofestivalda gran-priga munosib topilgani, biroq ular taqdirlash marosimiga bora olmaganligi to‘g‘risida xabarlar tarqalgandi. Afsuski, bu iqtidorli yosh rejissyorlar xalqaro tanlovlarga shaxsan bora olmayotgan yagona holat emas.