Uy, to‘y, mashina va... fojia: o‘zbekona orzular algoritmi
O‘zbek xalqi — hoyu havasli. Barchamizning yashash tamoyilimizda, ko‘pgina maqsadlar mushtarak bo‘lib, shulardan dang‘illatib to‘y qilish, yangi mashina minish orzusi bor.
Sarob orzu-havas qurbonlari
Qizlarni erta erga berishdan maqsad nima? Erta buvi bo‘lishmi? Xo‘sh, erta buvi bo‘ldingiz ham deylik, hayotingizda qanday katta o‘zgarish bo‘ldi? Qizingiz ozroq shoshmaganida, yaxshiroq oila chiqardi balki. O‘qitganingizda, hunar o‘rgatganingizda, balki kaltaklaydigan, aroqxo‘r erga duch kelmasdi. Ajrashgan taqdirda ham o‘z kunini o‘zi ko‘rib ketardi.
