Pul topish qiyin, ammo uni sarflash juda oson. Biz ortiqcha narsalarni sotib olish uchun ko‘p ishlaymiz. Keraksiz xarajatni yengish uchun esa «Didro effekti»ni tushunish kerak.

Minimalizm faqat kerakli va quvonch keltiradigan narsadan foydalanish degani. Agar siz hayotingizni soddalashtirmoqchi bo‘lsangiz ko‘p narsadan voz keching.

Bugungi «minimalizm» nafaqat san’atda, balki hamma narsada namoyon bo‘lmoqda: kiyim uslubi, turmush tarzi, uylarni bezatish... hatto ovqatlanishda.

Uyingizdagi yillab ishlatilmayotgan buyumlardan voz kechish haqida o‘ylab ko‘rganmisiz? Umringiz davomida mashaqqat bilan topgan pulingizni mana shunday bir necha yillab ishlatilmaydigan buyumlar uchun sarflaganingiz haqidachi? Agar shunday bo‘lsa, demak siz keraksiz buyumlar uchun mehnat qilayotgan bo‘lib qolmayapsizmi?