Har to‘rt yilda butun Osiyo bo‘ylab o‘tkaziladigan nufuzli musobaqalardan biri Osiyo o‘yinlarining navbatdagisiga Xitoyning Xanjou shahri mezbonlik qiladi. Kecha ushbu musobaqaning rasmiy timsollari tanlandi. Bu haqda Jismoniy tarbiya va sport vazirligi matbuot xizmati xabar berib o‘tdi.

Unga ko‘ra, «Aqlli uchlik» nomi bilan mashhur bo‘lgan sport mahsuloti 2022 yil bo‘lib o‘tadigan Osiyo o‘yinlarining rasmiy timsollariga aylandi.

Konkong, Lyanlyan va Chenchen nomidagi robotlar o‘zlarida shaharning YuNESKOning Butunjahon meros obektlariga kirgan hududlarini tasvirlashgan. Koronavirus pandemiyasi sabab taqdimot raqamli ochilish marosimi shaklida o‘tkazildi.

Birinchi «Kongkong» roboti Lyanchjou shahridagi arxeologik xarobalarni taqdim qiladi. Uning nomi ushbu hududdan topilgan nefrit turidan olingan. Topilmaning yoshi 5000 yildan ortiq bo‘lib, uning sharafi bilan timsol yer va hosilning asosi bo‘lmish sariq rangni o‘zida jilolagan.

Ikkinchi robot «Lianlian» bo‘lib, o‘zida G‘arbiy ko‘lni tasvirlaydi. Uning nomi lotos barglariga to‘la, yashilga burkangan ko‘lni, hayot va tabiatni anglatadi.

Uchinchi robot «Chenchen» Pekin-Xanjou katta kanalining ramzidir. Uning nomi Katta Xanjou kanalida joylashgan va muhim bino Gunchxen ko‘prigidagi olingan. Robot ilm-fan va texnikani ifodalovchi ko‘k rang bilan bo‘yalgan.

Ochilish marosimida so‘z olgan boshqaruv qo‘mita raisi Raja Randxir Singx timsollar zamonaviy dunyo ongini va kelajak energiyasini bildirishini aytib o‘tdi.«Timsollar yorqin va mazmunga boy, ular Xitoy madaniyati, Xanjou shahri va Osiyo qit’asi ruhini birlashtirgan», – dedi Singx.

Timsollar taqdim qilingandan keyin 20 daqiqalik onlayn raqs va madaniy chiqishlarni o‘z ichiga olgan marosim bo‘lib o‘tdi. Tashkiliy qo‘mitaga Xitoy san’at akademiyasi o‘qituvchilari Chjan Ven va Yan Xong tomonidan yaratilgan so‘nggi robot qahramonlari bilan maskot eskizlari uchun jami 4633 ta murojaat kelib tushgan.

Eslatib o‘tamiz, 2022-yil Xanjou shahrida o‘tadigan XIX Osiyo o‘yinlari 10-25 cyentyabr kunlari bo‘lib o‘tadi.

Jismoniy tarbiya va sport vazirligi
Matbuot xizmati