Yurtdoshlarimiz orasida katta qiziqish uyg‘otgan #uydaqol #hayotgaqo‘shil #sportchallenge chellenjining ikkinchi fasli ham qizg‘in davom etmoqda. Bugun ushbu tanlovning ikkinchi fasl 1-turiga yakun yasaldi.

28 apreldan 3 maygacha davom etgan chellenjning 1-turiga yurtdoshlarimiz tomonidan mingga yaqin videomaterial kelib tushdi. Hakamlar hay’ati qaroriga ko‘ra, tanlovda bu safar g‘oliblar quyidagicha ko‘rinish oldi.

1-o‘rin: Toshkent shahri Sergeli tumanida istiqomat qiluvchi Uzakbergenovlar oilasi;
2-o‘rin: Toshkent shahri Mirobod tumanida yashovchi Hotamqulovlar oilasi;
3-o‘ringa biryo‘la ikkita videorolik loyiq ko‘rildi. Bular - O‘zbekiston paralimpiya terma jamoasi a’zosi, qashqadaryolik Ubaydullo Imomqulov hamda chellenjda o‘ziga xos yondashuv bilan qatnashgan Namangan shahar 1-sonli bolalar va o‘smirlar sport maktabi jamoasi.

Aziz yurtdoshlar, #uydaqol #hayotgaqo‘shil #sportchallenge chellenjining ikkinchi fasli yakun topishiga sanoqli kunlar qoldi. Shunday ekan, tanlovda ishtirok etishga shoshiling. Axir karantinda sovg‘a olish naqadar yoqimli.

Jismoniy tarbiya va sport vazirligi Matbuot xizmati