Tungi klubdagi mushtlashuv «Barselona» yarim himoyachisiga 800 ming yevroga tushdi

«Barselona» yarim himoyasi Arturo Vidal tungi klubdagi mushtlashuv uchun 800 ming yevro jarimaga tortildi.
«TZ» xabar berishicha, janjal 2017-yili Myunxendagi tungi klublardan birida sodir bo‘lgandi. O‘shanda Vidal qo‘liga ilingan shisha idish bilan bir odamning boshiga urgandi.
Sudda Vidalning o‘zi qatnashmadi, u Chili va Meksika o‘yinida ishtirok etishga ketgandi, qaror sirtdan chiqarildi.
Sud qaroriga ko‘ra, Vidal 80 kun davomida jarimani to‘lab berishi kerak. Shuningdek, janjalda qatnashgan Vidalning ukasi Sandrinoga ham jarima belgilandi. U 18 ming yevro to‘laydi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter