Tokio olimpiadasi g‘oliblariga 200 000 AQSh dollarigacha mukofot beriladi
Prezidentning «2021 yilda Tokio shahrida (Yaponiya) bo‘lib o‘tadigan XXXII yozgi Olimpiya va XVI Paralimpiya o‘yinlarida O‘zbekiston sport delegatsiyasining ishtirokini ta’minlash hamda olimpiya sport turlarini yanada rivojlantirish chora-tadbirlari to‘g‘risida»gi qarori qabul qilindi.
Unga ko‘ra, Olimpiya va Paralimpiya o‘yinlarida g‘olib va sovrindor bo‘lgan O‘zbekiston sportchilari quyidagi miqdorda bir martalik pul mukofoti bilan rag‘batlantiriladi:
- oltin medal uchun – 200 000 AQSh dollari;
- kumush medal uchun – 100 000 AQSh dollari;
- bronza medal uchun – 50 000 AQSh dollari.
Xarajatlar Davlat budjeti mablag‘lari hisobidan qoplanadi.
Olimpiada o‘yinlari joriy yilning 23 iyul – 8 avgust kunlari Tokioda o‘tkazilishi belgilangan.
Paralimpiya o‘yinlari ham Tokioda 24 avgust – 5 sentyabr kunlari o‘tkaziladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter