Sensatsiya! O‘zbekistonlik shaxmatchi birinchi raqamli grossmeysterni yengdi
25-31-dekabr kunlari Rossiyaning Sankt-Peterburg shahrida o‘tkaziladigan shaxmatning blits va rapid yo‘nalishlari bo‘yicha jahon chempionatining ikkinchi raundi yakunlandi. Rapid yo‘nalishidagi bahslarda o‘zbekistonlik Shamsiddin Vohidov norvegiyalik grossmeyster Magnus Karlsenni mag‘lub etdi.
O‘zbekiston vakili turnirda 188-raqamda, norvegiyalik sportchi 1-raqamda saralangan edi. O‘tgan turda Shamsiddin Vohidov rossiyalik Stanislav Novikov bilan durang o‘ynagandi. Karlsen esa ukrainalik Adam Tuxayevga yutqazgandi.
Birinchi raunddan so‘ng musobaqa jadvalida AQSh vakili Xikaru Nakamura yetakchilik qilmoqda. Undan keyingi o‘rinlarni esa rossiyalik Vladislav Artemiyev va ozarbayjonlik Mamedyar Shahriyarovlar egallab turibdi.
Shamsiddin Vohidovning keyingi raunddagi raqibi rossiyalik grossmeyster Aleksey Dreyev bo‘ladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter