Qatar 2023-yilgi Osiyo kubogiga mezbonlik qiladi
Osiyo futbol konfederatsiyasi (AFC)ning Kuala-Lumpurda bo‘lib o‘tgan yig‘ilishida 2023-yilgi Osiyo kubogi mezbonligi Qatarga berildi.
Bu yil jahon chempionatiga mezbonlik qiluvchi Qatar 1988, 2011-yillarda ham Osiyo kubogini o‘tkazgan.
Neftga boy ushbu mamlakat, shuningdek, 2024-yilda U-23 (23 yoshgacha bo‘lgan futbolchilar o‘rtasidagi Osiyo kubogi)ga mezbonlik qiladi.
Eslatib o‘tamiz, 2023-yilgi Osiyo kubogini aslida Xitoy o‘tkazishi kerak edi, biroq COVID-19 tufayli xitoyliklar uni o‘tkazishni rad etishdi.
Keyin tanlov qayta o‘tkazildi, Qatar bilan birga Janubiy Koreya va Indoneziya Osiyo kubogi mezbonligi uchun kurashdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter