Ektor Kuper boshchiligidagi O‘zbekiston milliy terma jamoasi oktyabr oyida ikkita o‘rtoqlik o‘yini o‘tkazishi haqida avval xabar bergan edik.

Dastlabki uchrashuv bugun, 13-oktyabr kuni soat 19:00da Toshkentdagi «Milliy» stadionida KXDRga qarshi bo‘lib o‘tadi.

O‘yinni bevosita stadionda tomosha qilishni istagan muxlislar chiptalarni «Milliy» stadioni kassalaridan xarid qilishlari mumkin. Chiptalar savdosi o‘yin vaqtiga qadar davom etmoqda.

Bevosita stadiondan kuzatish imkoniga ega bo‘lmaganlar uchun mazkur bahs «Sport» telekanalida to‘g‘ridan-to‘g‘ri namoyish etiladi. Uchrashuvni Xayrulla Hamidov sharhlaydi.

2019 yilning yanvar oyida BAAda bo‘lib o‘tadigan Osiyo kubogiga tayyorgarlik ko‘rayotgan O‘zbekiston milliy terma jamoasi oktyabr oyidagi yig‘ini davomida 16-oktyabr kuni ikkinchi o‘rtoqlik o‘yinini Qatar terma jamoasiga qarshi o‘tkazadi.

Mau’lumot uchun, Qatar terma jamoasi O‘zbekistonga qarshi bahs oldidan Ekvador termasi bilan kuch sinashdi va 4:3 hisobida g‘alab qozondi.