Ovechkin Gretskining rekordini takrorladi
Aleksandr Ovechkin, Ueyn Gretski.
«Vashington Kepitalz»ning rossiyalik hujumchisi Aleksandr Ovechkin kanadalik Ueyn Gretskining NHLdagi snayperlik rekordini takrorlab, 894-shaybasini kiritdi. «Chikago Blekhoks»ga qarshi o‘yinda Ovechkin dubl qayd etdi.
Endilikda Ovechkin va Gretski NHL muntazam chempionatlarida kiritgan gollar soni 894 tadanni tashkil etmoqda. Gretski 1 487 o‘yinda 894 ta, Ovechkin 1 486 ta o‘yinda 894 ta shayba kiritgan.
Rekord takrorlangan o‘yinni ko‘rish uchun kelgan Gretski Ovechkin uchun xursand ekanligini aytdi.
NHL prognozlariga ko‘ra, 14-aprel kuni «Kolambus Blyu Jekets»ga qarshi uy o‘yinida Ovechkin Gretskini urilgan gollari soni bo‘yicha ortda qoldirishi mumkin.
Aleksandr Ovechkin — Rossiya terma jamoasi tarkibida uch karra jahon chempioni, NHLdagi butun faoliyatini o‘tkazgan «Vashington Kepitalz» bilan 2018-yilda Stenli kubogini qo‘lga kiritgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter