Osiyo chempionatiga chiqa olmagan Tojikiston terma jamoasi bosh murabbiyni iste’foga chiqardi
Tojikiston milliy terma jamoasining bosh murabbiysi Hakim Fuzaylov o‘z lavozimidan ozod etildi. Bu haqda Tojikiston futbol federatsiyasi rasmiy saytida xabar berilgan.
Osiyo kubogi-2019 saralash bahslarining so‘nggi hal qiluvchi o‘yinida Filippin terma jamoasiga uchralgan mag‘lubiyatdan so‘ng mutaxassisga chiqish eshiklari ko‘rsatildi.
«Avvalambor, men jamoani butun saralash o‘yinlari davri davomida qo‘llab-quvvatlagan barcha Tojikiston terma jamoasi muxlislaridan uzr so‘ramoqchiman.
Afsuski, natija qoniqarsiz bo‘ldi. Biz musobaqaning final qismiga o‘ta olmadik. Natija uchun barcha javobgarlikni o‘z zimmamga olaman va iste’foga chiqaman», — deb bayon qilgan murabbiy.
Fuzaylov o‘z so‘zida Tojikiston terma jamoasi Osiyo kubogining final qismiga chiqishga loyiq ekani, biroq buning iloji bo‘lmagani — bitta g‘alaba kamlik qilganini qo‘shimcha qildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter