OAV: Messi «ko‘ch-ko‘roni» bilan Barselonaga keldi
«PSJ» va Argentina terma jamoasi hujumchisi Lionel Messi 22-aprel kuni oilasi bilan Barselonaga yetib keldi.
Bu haqda jurnalist Jerar Romero ijtimoiy tarmoqda xabar berdi. Unga ko‘ra, futbolchi OAV vakillariga duch kelmaslik uchun aeroport binosidan yashirin chiqish yo‘li orqali chiqib ketgan.
Shu bilan birga, Messi oilasi o‘zlari bilan Barselonaga 15 ta chamadon olib kelishgan. Messining ushbu tashrifining asosiy maqsadlari hozircha noma’lum
Eslatib o‘tamiz, 2021-yilning avgustida argentinalik futbolchi Parij Sen-Jermenga ko‘chib o‘tdi. U Kataloniya klubidagi 18 yillik faoliyatidan so‘ng Ispaniyani tark etishga qaror qildi.
So‘nggi vaqtlarda Messining Barselonaga qaytishi bo‘yicha xabarlar ko‘p tarqalmoqda.
Avvalroq Goal.com talqiniga ko‘ra, «PSJ»ning argentinalik hujumchisi Lionel Messi «Oltin to‘p»ni qo‘lga kiritish uchun asosiy da’vogar bo‘lib qolayotgani xabar berilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter