Messi qachon futboldan butunlay ketishini aytdi
Argentina terma jamoasi futbolchisi Lionel Messi faoliyatini yakunlash arafasida ekanligini aytdi.
Bu haqda «TV Publica» ma’lumot bermoqda.
«Yoshim tufayli faoliyatim tugashi yaqin qolyapti. O‘sha payt qachon kelishini aniq ayta olmayman. Men shunchaki yashayman va lahzalardan zavqlanaman», - dedi Messi.
3-iyun kuni Messi Fransiya chempionatining 38-turida «Klermon»ga qarshi maydonga tushib, PSJ jamoasidagi so‘nggi o‘yinini o‘tkazdi. Futbolchining parijliklar bilan shartnomasi iyun oyida nihoyasiga yetdi, u erkin agent sifatida «Inter Mayami»ga o‘tdi.
«PSJ»ga qadar Messi 2003-yildan 2021-yilgacha «Barselona»da o‘ynagan. Messi jamoa safida o‘n marta Ispaniya chempioni bo‘ldi, yetti marta Ispaniya Superkubogi va Ispaniya kubogini qo‘lga kiritdi, to‘rt marta Chempionlar ligasida, uch marta UYeFA Superkubogi va klublar o‘rtasidagi jahon chempionatida g‘olib chiqdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter