Rasman: Lionel Messi «PSJ»dan ketadi
«PSJ» bosh murabbiyi Kristof Galte hujumchi Lionel Messi mavsum yakunida jamoani tark etishini ma’lum qildi.
Uning so‘zlarini «RMS Sport» keltirmoqda.
«Futbol tarixidagi eng yaxshi futbolchini boshqarish sharafiga muyassar bo‘ldim. «Klermonga qarshi o‘yin Messi uchun «Park de Frans»dagi oxirgisi bo‘ladi», deydi Galtiyer.
Avvalroq Saudiyaning «Al-Hilol» klubi Lionel Messiga 1,2 milliard yevrolik shartnoma taklif qilgani haqida xabar berilgandi. Ta’kidlash joizki, argentinalik futbolchining «PSJ»dagi maoshi 29 million yevroni tashkil qiladi.
Umuman olganda, Messi joriy mavsum Fransiya chempionatining 31 ta o‘yinida 16 ta gol urdi va 16 ta golli uzatmani amalga oshirdi. Yaqinda Saudiya Arabistoniga safari tufayli jamoadan chetlatilgandi. Messi kechirim so‘raganidan so‘ng hujumchi o‘yinlarga qo‘yildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter