Ispaniya La Ligasining 35-turida «Barselona» o‘z maydonida «Levante»ni qabul qildi va Lionel Messining goli evaziga muddatidan avval chempionlikni qo‘lga kiritdi.

Ushbu g‘alabadan so‘ng kataloniyaliklar hisobidagi ochkolar soni 83 taga yetdi va klub chempionat  tugashiga 3 tur qolganida Ispaniya chempioni bo‘ldi. Bu Ernesto Valverde shogirdlarining La Ligada qo‘lga kiritilgan qatorasiga ikkinchi titulidir.

BARSELONA – LEVANTE 1:0

Gol: Messi (62).

Barselona: ter Shtegen, Pike, Langle, Nelson Semedu, Alba, Artur (Buskets, 73), Rakitich, Koutino (Messi, 46), Vidal, Dembele (Serji Roberto, 84), Suares.

Levante: Fernandes, Ruben Vezu, Rober, Luna, Koke, Rochina (Marti, 84), Kampanya, Jeyson, Vukchevich (Bardi, 65), Saymon (Morales, 46), Mayoral.

Ogohlantirishlar: Rakitich (14), Rochina (56), Ruben Vezu (58), Pike (70), Nelson Semedu (77), Koke (83), Buskets (90).

Klub afsonasiga aylanib ulgurgan Lionel Messi esa o‘z hisobiga 10-chempionlikni rasmiylashtirdi.