Marokash va O‘zbekiston o‘rtasidagi o‘rtoqlik uchrashuvi yakuniga yetdi, unda maydon egalari 2:0 hisobida g‘alaba qozondi.

Uchrashuvning 3-daqiqasidayoq Ayub El Kaabi hisobni ochdi. Umuman, birinchi bo‘limda maydonda to‘p nazorati ko‘proq marokashliklar tomonida bo‘ldi. Bo‘limning 43-daqiqasida burchakdan uzatilgan to‘pni maydon egalari sardori Maruan Da Kosta boshi bilan darvozaga joyladi va hisobni yiriklashtirdi.

Ikkinchi bo‘limda terma jamoamiz futbolchilarimiz ancha faollashdi, ammo gol urishning uddasidan chiqishmadi.

Shunday qilib, Temur Kopadze boshchiligdagi ikkinchi uchrashuvida terma jamoa mag‘lubiyatga uchradi. Eslatib o‘tamiz, to‘rt kun avval bo‘lib o‘tgan dastlabki o‘rtoqlik o‘yinida Senegal bilan durang qayd etilgandi.

Marokash - O‘zbekiston 2:0 

Gollar: Ayub El Kaabi 3, - 1:0. Maruan Da Kosta 43, - 2:0.

Marokash: 12.Munir El Kajoui (22.Ahmad Tagnaouti, 46), 25.El Hajam Valid (27.Salohiddin Essaidi, 82), 4.Da Kosta Maruan, 6.Saiss Ganem (28.Nahiri Muhammad, 63), 2.Ashraf Hakimi, 21.Sofyan Amrabat, 11.Faysal Fajr, 18.Amin Xarit, 19.Yasin Bammou (7.Hakim Ziyesh, 72), 15.Ayub El Kaabi (23.Volid Azaru, 62), 26. Zakariya Labyad (9.Sofyan Bufal, 46).

O‘zbekiston: 1.Eldorbek Suyunov, 14.Shuhrat Muhammadiyev, 6.Sherzod A’zamov, 3.Rustam Ashurmatov, 13.Oleg Zoteyev (4.Akrom Komilov, 74), 18.Fozil Musayev (16.Odiljon Hamrobekov, 45), 22.Javohir Sidiqov (23.Eldor Shomurodov, 83), 8.Ikrom Aliboyev (19.Otabek Shukurov, 68), 7.Sardor Rashidov (15.Jasur Yaxshiboyev, 56), 17.Jaloliddin Masharipov, 10.Marat Bikmayev (11.Temurxo‘ja Abduxoliqov, 56)