Italiya chempionati yetakchilari o‘yinga noodatiy futbolkalarda chiqishdi
Italiya A seriyasi turnir jadvalida yetakchilik qilayotgan «Napoli» jamoasi 7-noyabr kuni «Verona»ga qarshi o‘yinni noodatiy futbolkalarda o‘tkazdi.
Neapolliklar futbolkalariga jamoaning afsonaviy forvardi Diyego Maradonaning tasviri tushirilgandi. Jamoa 2020-yilning 25-noyabrida olamdan o‘tgan buyuk futbolchining xotirasiga shu tarzda ehtiromini izhor etdi.
«Napoli» maxsus futbolkalar (Maradona Game)da Italiya chempionatidagi yana ikki o‘yinni o‘tkazishi haqida jamoa rasmiy sayti xabar berdi. «Napoli»ning «Verona»ga qarshi birinchi o‘yini durang bilan tugadi — 1:1.
Ma’lumot uchun: Diyego Maradona «Napoli» bilan birgalikda ikki marotaba A seriya chempioni bo‘lib, mamlakat kubogi va superkubogini hamda UYeFA kubogini qo‘lga kiritgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter