Ispaniya chempionati (La Liga)ning so‘nggi turidan o‘rin olgan barcha o‘yinlar yakuniga yetdi.

So‘nggi turda yevrokuboklar yo‘llanmasi uchun kurashayotgan «Valensiya» va «Granada» hamda La Ligada jon saqlab qolish harakatidagi «Selta» va «Leganes» ishtirokidagi o‘yinlar barchaning diqqat markazida turdi. Eng qizig‘i, hal qiluvchi o‘yinda «Selta» turnir jadvalidagi so‘nggi jamoa, Segundaga allaqachon tushib ketishga ulgurgan «Espanol» mehmoni bo‘lgan bo‘lsa, «Leganes» bir tur avval chempionlikni rasmiylashtirgan «Real»ni qabul qildi.

Har ikki o‘yin ham durang bilan tugadi:

Leganes — Real: 2:2

Espanol — Selta: 0:0

«Sevilya» urgan yagona gol «Valensiya»ni yevrokuboklardan mahrum qilgan bo‘lsa, granadaliklar «Atletik Bilbao»ni yirik hisobda yengib, nufuzli turnirga yo‘l olishdi.

Sevilya — Valensiya: 1:0

Granada — Atletik: 4:0

Qolgan natijalar:

Alaves — Barselona: 0:5

Atletiko — Real Sosedad: 1:1

Levante — Xetafe: 1:0

Osasuna — Malorka: 2:2

Vilyarreal — Eybar: 4:0

Valyadolid — Betis: 2:0

«Real», «Barselona», «Atletiko», «Sevilya» kelasi mavsumda Chempionlar Ligasida, «Vilyarreal», «Real Sosedad» va «Granada» Yevropa Ligasida omadini sinab ko‘radi.

«Espanol», «Malorka» hamda «Leganes» Segundaga tushib ketdi.

Yakuniy jadval