Igor Sergeyev ham gol uradi: u jamoasini xavfli zonadan olib chiqdi (video)
Igor Sergeyev
Igor Sergeyev Birlashgan arab amirloiklarida o‘zining debyut goli kiritishga muvaffaq bo‘ldi.
«Va nihoyat o‘sha kun keldi va o‘zbekistonlik hujumchi Igor Sergeyev BAA chempionatidagi debyut golini urdi. Buning uchun Sergeyevga 4 ta o‘yin kerak bo‘ldi. «Dibba Al-Fujayrah» klubini qabul qilgan «Al-Dafra» ishonchli g‘alabaga erishdi. Bellashuvning 92-daqiqasida Sergeyev o‘z goli bilan jamoasining ochko yo‘qotishi masalasini kun tartibidan olib tashladi», — deb yozmoqda «Championat.asia» nashri.
Ma’lum bo‘lishicha, Sergeyevning goli juda muhim ahamiyatga ega bo‘lgan. Hisobda ortda borayotgan mehmonlar muvozanatni tiklash uchun bor imkoniyatini ishga solayotgan bir paytda, Igor o‘yinga nuqta qo‘yib berdi. Jamoaning makedoniyalik murabbiyi mana to‘rtinchi bellashuvdirki Sergeyevga boshlang‘ich tarkibda imkoniyat berib kelmoqda. Endilikda uning jamoasi xavfli zonadan birozgina uzoqlashib oldi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter