Fransiya chempionatida ommaviy janjal chiqdi (video)
Fransiya chempionatining 3-turidan o‘rin olgan «Nitssa» va «Marsel» o‘yini oxiriga bormay to‘xtatildi va noma’lum muddatga qoldirildi.
Ikkinchi taym oxirlarida muxlislar plastik buyumlarni stadionga ota boshlagan. Ulardan biri maydon chetidagi Dmitriy Payetga borib tekkan.
Hamma janjal shundan boshlangan. Payet plastik idishni qaytarib muxlislarga otgan. Jahldor fanatlar esa birin-ketin maydonga tushgan.
Ommaviy janjalda «Marsel»ning kamida 3 futbolchisi jarohatlangan. Nitssaliklar hammasi tinchigach, o‘yinni davom ettirishga maydonga tushishgan, ammo marselliklar qayta o‘ynashni istamagan.
O‘yin shu tariqa noma’lum muddatga qoldirilgan, yakuniy xulosa keyinroq ma’lum qilinadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter