Bir necha daqiqa oldin «Qozon Arena»da jahon chempionatining «S» guruhidan o‘rin olgan Fransiya hamda Avstraliya terma jamoalari o‘rtasidagi uchrashuv yakuniga yetdi.

Qiziqarli va keskin kurashlarga boy kechgan uchrashuvda fransuzlar 2:1 hisobida g‘alaba qozondi.

Aytish kerakki, uchrashuvda Antuan Grizmann jahon chempionati tarixida videotakrordan so‘ng belgilangan ilk penaltini golga aylantirgan futbolchi bo‘ldi. Gol 58-daqiqada amalga oshirildi.

Oradan to‘rt daqiqa o‘tib, Yedenak hisobni tenglashtirdi. Fransiyaning g‘alaba goliga esa Pogba mualliflik qildi. Uning zarbasi darvoza to‘siniga tegib, chiziqdan ichkari tomonga tushdi.

Fransiya – Avstraliya 2:1 (0:0, 2:1)
Gollar: 1:0 – 58, penalti Grizmann, 1:1 – 62, penalti Yedinak, 2:1 – 80 Pogba.
Fransiya – Loris, Pavar, Varan, Umtiti, Lyuka Ernandes, Tolisso (Matyuidi, 78), Kante, Pogba, Mbappe, Grizmann (Jiru, 70), Dembele (Fekir, 70).
Avstraliya – Rayan, Risdon, Seynsberi, Milligan, Bexich, Lekki, Yedinak, Muy, Kruz (Arzani, 84), Rogich (Irvayn, 72), Nebbaut (Yurich, 64).
Ogohlantirishlar: Lekki (13), Risdon (57), Tolisso (76), Bexich (87).