Yevropa ligasining kechagi ilk yarimfinal o‘yinida «Sevilya» va «Manchester Yunayted» to‘qnashdi.

O‘yinning 9-daqiqasida Brunu Fernandesh penaltidan kiritgan gol inglizlarni oldinga olib chiqdi.

Bunga ispanlar birinchi taymning o‘rtalari va ikkinchi taym oxirlarida Suso hamda Lyuk De Yonglarning gollari bilan javob berishdi: «Sevilya» — «Manchester Yunayted» — 2:1.

«Sevilya» o‘z tarixida oltinchi marotaba turnir finaliga yo‘l oldi. E’tiborli jihati, oldingi beshta finalning barchasida klub kubokni qo‘lga kiritgan.

Fakt

• «Sevilya» 21-asrda yevrokuboklar finaliga eng ko‘p chiqqan jamoaga aylandi — 11 ta final. Andaluziyaliklar beshta YeL finalida ham g‘alaba qozonishgan, Supekubokdagi to‘rtta o‘yinni esa boy berishgan.
• Ikkinchi o‘rinda — «Real Madrid» (10 ta final — beshtasi YeChL finali, beshtasi Supekubok o‘yini).
• Uchinchi o‘rinda — «Liverpul» (9 ta final — to‘rttasi YeChL finali, ikkitasi YeL finali, uchtasi Superkubok o‘yini).

«Sevilya»ning finaldagi raqibi «Inter» — «Shaxtyor» o‘yinida aniqlanadi.

Yevropa ligasi. Pley-off. Yarimfinal

«Sevilya» (Ispaniya) — «Manchester Yunayted» (Angliya) — 2:1

Gollar: Suso (26), De Yong (78) — Fernandesh (9).