Yengilmas bokschimizning jangi muddatidan avval yakunlandi
Professional bokschimiz Xurshid Tojiboyev Fransiyaning Lion shahrida prof ringdagi yettinchi jangini o‘tkazdi.
Palais Des Sports De Gerland arenada o‘tkazilgan boks oqshomida hamyurtimizga fransiyalik Kaddur Hmiani raqiblik qildi. Sakkiz raund etib belgilangan jang oltinchi raundda referi tomonidan to‘xtatildi. Tojiboyev mezbon bokschini ketma-ket nokdaun holatiga tushirib qo‘ydi va oltinchi raundda texnik nokaut evaziga g‘alaba qozondi.
Ma’lumot uchun, Ispaniyaning ADAMAS Sport boks promouterlik kompaniyasi mijozi bo‘lgan Xurshid Tojiboyev kecha tunda 7-jangidagi 7-g‘alabasini qo‘lga kiritdi. To‘rtta jangini muddatidan avval yakunlagan. Kaddur ham prof ringda 7 ta jang o‘tkazgan. Hisobida 4 g‘alaba (2 nokaut) bor edi. Kecha u uchinchi mag‘lubiyatini qabul qilib oldi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter