Bundesliga: «Bavariya» «Shalke» darvozasiga javobsiz sakkizta to‘p kiritdi
Germaniya Bundesligasi yangi mavsumining ilk turi birinchi o‘yinida «Alyans Arena»da «Bavariya» «Shalke»ni qaqshatqich mag‘lubiyatga uchratdi — 8:0.
Myunxenliklar tarkibida Serj Gnabri xet-trik (4, 47, 59-daqiqalar) qayd etgan bo‘lsa, Leon Goretska (19), Robert Levandovski (31), Tomas Myuller (69), Leroy Sane (71) va Jamol Musiala (81) bittadan gol urishdi.
Qolaversa, Levandovski va Sane o‘z hisoblariga ikkitadan golli uzatma yozib qo‘yishdi.
Bundesliganing 2-turida, 27-sentyabr kuni «Bavariya» «Hoffenhaym» mehmoni bo‘ladi, «Shalke» esa bir kun avval «Verder»ni qabul qiladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter