«Borussiya»da bosh murabbiy almashdi
Edin Terzich.
Germaniya Bundesligasining bu yilgi kumush medali sovrindori — Dortmundning «Borussiya» klubida bosh murabbiy almashdi: Marko Roze o‘rniga Edin Terzich keldi.
Dortmundliklar 39 yoshli Edin Terzich bilan 2025-yil yozigacha shartnoma imzolashdi. Terzich «Borussiya»ga begona emas — 2018-yildan bosh murabbiy Lyusen Favrga yordamlashib kelgan, 2020-yil qishida, shveysariyalik ketganidan so‘ng jamoani boshqargan. Uning boshchiligida klub Germaniya kubogini egallagan.
Joriy mavsum arafasida Terzich «Borussiya» texnik direktori lavozimiga tayinlangandi. Endi u bosh murabbiy, Ervin Holandsiz («Manchester Siti»ga o‘tgan) jamoani qurishi kerak.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter