«Barselona» — «Napoli» o‘yini bo‘m-bo‘sh stadionda o‘tadi
UEFA Chempionlar ligasining 1/8 finali javob o‘yinida chorshanba, 18-mart kuni «Barselona» klubi «Napoli»ni qabul qiladi. «Sport» nashrining yozishicha, koronavirus keng tarqalishining oldini olish uchun ushbu uchrashuvni tomoshabinlarsiz o‘tkazishga qaror qilindi.
Katalon klubi rahbariyati va mahalliy hukumat vakillari uchrashuvida shunday qarorga kelingan.
«Ko‘k-anorranglilar» avvaliga mavsumiy chiptasi bor muxlislarni stadionga qo‘yishmoqchi edi, ammo keyinchalik barcha uchun «Kamp Nou» eshiklarini yopib turishga qaror qilishdi.
Eslatib o‘tamiz, birinchi o‘yinda «Napoli» — «Barselona» uchrashuvi 1:1 hisobidagi durang bilan tugagan.
UEFA Chempionlar ligasining 1/8 finali javob o‘yinlaridan yana biri — «PSJ» va «Borussiya D» o‘rtasidagi o‘yinga ham tomoshabinlar qo‘yilmasligi ma’lum bo‘ldi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter