«Barselona» sobiq yulduzi Luis Suares vafot etdi
«Barselona» va Ispaniya terma jamoasining sobiq futbolchisi Luis Suares Miramontes 88 yoshida vafot etdi.
Bu haqda Ispaniya chempionati matbuot xizmati Tvitter sahifasida xabar berdi.
«La Liga futbolimizning tarixiy futbolchisi va murabbiyi Luis Suares Miramontesning oila a’zolari va yaqinlariga samimiy hamdardlik bildiradi», — deyiladi xabarda.
Suares «Barselona», «Inter», «Sampdoriya», «Deportivo» klublarida o‘ynagan. 1960-yilda u «Oltin to‘p»ni qo‘lga kiritgan.
Ispaniya terma jamoasi tarkibida Yevro-1964 g‘olibi bo‘lgan, «Inter» bilan esa ikki marta yevrokubokni qo‘lga kiritgan. U Italiya klubida o‘ynagan birinchi ispaniyalik futbolchi sanaladi.
Suares murabbiy sifatida ham ishlagan. Murabbiy sifatida oxirgi ish joyi Milanning «Inter»i bo‘ldi.
Bu klubni u 1995-yilda boshqargan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter