«Barselona» restartni yirik g‘alaba bilan nishonladi
Koronavirus pandemiyasi tufayli to‘xtab qolgan Ispaniya chempionati qayta start olib, 28-tur doirasidagi ayrim uchrashuvlar bo‘lib o‘tdi. Palma-de-Malorkada «Malorka» Kataloniyaning «Barselona» klubini qabul qildi.
Birinchi daqiqadayoq gol kiritgan kataloniyaliklar o‘yin oxirigacha ustunlikni saqlab, yirik g‘alabaga erishishdi.
«Malorka» — «Barselona» — 0:4
Gollar: Vidal, Braytvayt, Alba, Messi.
Goldan tashqari, ikkita golli uzatmani amalga oshirgan Lionel Messi «eng yaxshi o‘yinchi» deb topildi.
«Barselona» 61 ochko to‘plab, 2-o‘rindagi «Real Madrid»dan 5 ochko ilgarilab ketdi. «Malorka» 25 ochkosi bilan 18-o‘rinda.
Pandemiya chempionatlar taqvimiga jiddiy o‘zgartirishlar olib kirmoqda, endi turlar o‘rtasida tanaffus bo‘lmaydi — kam-kam o‘yinlar hisobiga har kuni futbol ko‘rishingiz mumkin.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter