So‘nggi kunlarning eng ko‘p muhokama qilingan mavzularidan biri arman jurnalisti qalamiga mansub «Samvel Babayan millatchilik qurboni bo‘ldi» maqolasi va unga qarshi bildirilgan fikrlar bo‘ldi. Saytimizda ham «Babayan o‘zbekning oshini yeb katta bo‘lgan, bozbash* emas!», «O‘zbekistonda yashayotgan arman: «Tevos Arshakyan g‘araz to‘la maqolasi uchun uzr so‘rashi shart» kabi maqolalar berildi va ularda yuqoridagi maqolada bildirilgan fikrlar mutlaqo asossiz ekanligi ta’kidlandi.

Ijtimoiy tarmoqlarda maqolaga bildirilayotan salbiy fikrlar keng yoritilayotgan bir paytda jurnalist hamkasblarimizdan biri Samvel Babayan bilan aloqalari saqlanib qolgani, sobiq murabbiy bu maqoladan qattiq xafa bo‘lgani, hatto kasal bo‘lib qolganini bildirib, bu maqolalarni saytimizdan olib turishimizni so‘radi.

Tabiiyki, bunga rozi bo‘lmadik va Samvel Babayanning o‘z munosabatini bildirishini so‘radik. Tez orada sobiq bosh murabbiyning rasmiy javobi internet orqali yetib keldi va biz uni to‘lig‘icha e’tiboringizga havola qilmoqdamiz.

«Sizning provokatsion maqolangizni o‘qib, chuqur taajjubda qoldim. Qanday ma’naviy haqqingiz borki, asl vaziyatni bilmay turib, bizning Vatanimizda millatchilik borligi haqida yozasiz!

Men, Babayan Samvel, bu buyuk davlatning fuqarosi ekanligimdan faxrlanaman. Men o‘zbek mahallasida tug‘ilganman va mening birinchi so‘zlarim o‘zbekcha bo‘lgan. Bu Vatanga muhabbat menga ona sutim bilan kirgan, O‘zbekiston iftixori bo‘lgan farzandlarim va shogirdlarimni ham aynan shunday ruhda tarbiyalayman. Mening vatanimda bag‘rikenglik juda keng, har bir shaxsga millati va diniy qarashlaridan qat’i nazar o‘zini namoyon qilish uchun teng imkoniyatlar berilgan.

Mening millatim armanligi, mamlakat milliy terma jamoasiga bosh murabbiy etib tayinlanganimning o‘zi ham fikrimning yaqqol isbotidir va bunday misollar talaygina.

Sizning O‘zbekiston va o‘zbek xalqi haqidagi so‘zlaringiz mas’uliyatsizlik va hatto jinoyatdir. Men bu xalqning fazilatlari haqida bir umr gapirishim mumkin, lekin bunday qilmayman – chunki butun dunyo sizdan farqli ravishda bu haqda yaxshi biladi. Kim O‘zbekistonga bir marta tashrif buyursa, uni butun umr sevib qolishi aniq.

Sizdan mening ona Vatanim O‘zbekiston haqida kelgusida ma’nisiz va hech qanday asosga ega bo‘lmagan maqolalardan tiyilishni so‘rayman. Zero, men shu davlatning fuqarosiman va bundan faxrlanaman.

Siz kimsizki, o‘z hayotini, bor salohiyatini xalqi farovonligiga bag‘ishlagan prezidentimizga baho berasiz?! Mening bu so‘zlarimga asrlar davomida bu muazzam zaminda yashayotgan arman millatiga mansub barcha yurtdoshlarim qo‘shilishiga aminman.

O‘zingizning bunday xomxayollarga asoslangan va haqiqatdan uzoq bo‘lgan fikrlaringizni chop etishdan oldin mening ona yurtim O‘zbekistonga kelishni va bu yerda turli millatlar qanday totuv yashayotganini, Vatanimiz qanchalik rivojlanayotganini, dunyo hamjamiyatida o‘z o‘rnini mustahkamlayotganini o‘z ko‘zingiz bilan bir bor bo‘lsa-da ko‘rishni taklif qilgan bo‘lardim.

Mening futboldan chetlashtirilishim bu faoliyatda muntazam kuzatiladigan jarayon bo‘lib, men buni hech kim bilan, ayniqsa siz bilan muhokama qilmoqchi emasman va har bir gapimga javob berishga tayyorman.

Men sizning bunday provokatsion maqolani e’lon qilishdan maqsadingiz nima ekanini bilmayman, lekin, unutmangki, men yoki millatdoshlarim haqida yozarkansiz, jurnalistik odobga ko‘ra o‘zim yoki O‘zbekistonda yashovchi birorta arman millatiga mansub fuqarodan millatlararo munosabat haqida fikr olishingiz zarur emasmidi? 

Mening bu holatga munosabatimni hisobga olib, sizdan bu maqolangiz uchun uzr so‘rashingizni talab qilaman hamda kelgusida bunday mavzularni ko‘tarishda aniq ma’lumotlarga asoslanishni va juda ehtiyot bo‘lishni tavsiya etaman.

Samvel Babayan,
2018-yil 18-yanvar»

Ta’kidlash joizki, Samvel Babayan hatto o‘zbek futbolidan umrbod chetlashtirilganda ham rasmiy bayonot bermagandi. Uning shuncha vaqt jim turib, bu mavzu yuzasidan fikr bildirishi so‘zlarining samimiyligini anglatadi. Nima bo‘lganda ham, Babayanni ko‘p bora tanqid qilgan bo‘lsak-da, bu borada biz u bilan yakdilmiz — arman saytida e’lon qilingan maqola mutlaqo asossiz!

Xatning asl — ruscha varianti

«Прочитав вашу провокационную статью я был в недоумении, какое вы имели моральное право, писать про национализм в нашей стране не зная истиной ситуации. 

Я Бабаян Самвел горжусь, что я гражданин этой великой страны. Я родился и вырос в Узбекской махалле, когда я начинал говорить мои первые слова были на узбекском языке.  Я с молоком матери воспитан в духе любви и патриотизма своей  Родине, и также я воспитываю своих детей и учеников, которые сейчас являются гордостью Узбекистана. Моя страна очень толерантна и даёт возможность проявить себя всем не зависимо от национальности и вероисповедании. Тот факт, что я армянин и был назначен на пост главного тренера говорит об этом, и таких примеров много.

Ваши слова об Узбекистане и узбекском народе безответственны и преступны. Я могу бесконечно говорить об этом народе и этой стране, но не буду этого делать потому, что во всём мире знают об этом крае. Кто хоть раз побывал не может не влюбиться в Узбекистан. Я вас прошу в преть не допускать таких громогласных и безосновательных заявлений, которые касаются моего родного  Узбекистана, страны гражданином которого я являюсь и горжусь этим. Кто вы такой  чтобы давать оценку нашему президенту, человеку который посвятил всего себя служению своему отечеству и народу. Под моими словами подпишутся все армяне которые на протяжении веков проживают на этой благодатной земле.

Чтобы исправить своё ущербное и искаженное мнение о моем родном Узбекистане вам прежде чем писать такие провокационные статьи  не мешало бы приехать и посмотреть на сколько дружно здесь живут люди разных национальностей. Как динамично развивается наша страна, завоевывает всё больший авторитет на международной арене. Моя дисквалификация это рабочие момент, который я не собираюсь ни с кем обсуждать, тем более с вами, и за каждое своё действие готов отвечать. Я не знаю какой цели вы преследовали, когда писали эту провокационную статью, Следуя журналисткой этике вы должны были спросить меня и другого армянина являющихся гражданами Узбекистана  о ситуации межнациональных отношений. Учитывая вышеизложенное я требую , чтобы вы извинились и были более ответственны прежде чем поднимать данную тему, не имея реальной информации.

Бабаян Самвел.
18.01.2018»