«Ayaks»da yangi bosh murabbiy tayinlandi
Alfred Sxroyder — «Ayaks»ning yangi bosh murabbiyi. Bu haqda Amsterdam jamoasining rasmiy sayti xabar berdi.
Niderlandiyalik 49 yoshli mutaxassis bilan bir mavsumga uzaytirish imkoniyati mavjud ikki yillik shartnoma imzolangan.
Xabaringiz bor, shu paytgacha «Ayaks»ni boshqargan Erik ten Xag «Manchester Yunayted» bilan 2025-yil yozigacha shartnoma imzolagan.
Alfred Sxroyder (Sxryoder) — niderlandiyalik sobiq futbolchi va murabbiy. «Feyenoord» maktabidan chiqqan. Faqat Gollandiya chempionatida («Feyenoord», «Tvente», Vitess» va boshqalar»), yarimhimoyachi ampluasida to‘p surgan.
Murabbiylik faoliyati bir tekis kechmagan: ko‘p yillar bosh murabbiylarga qarashib yurgan (jumladan, «Barselona»da Kumanning, «Ayaks»da Ten Xagning yordamchisi). Bosh murabbiy sifatida «Tvente» (Niderlandiya) va «Hoffenhaym» (Germaniya)da ishlagan, 2022-yildan «Bryugge» (Belgiya)ni boshqarib kelayotgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter