Fransiya Kubogining 1/32 finalida o‘zbekistonlik Abduqodir Husanov to‘p suradigan «Lans» klubi «PSJ»ga qarshi bahs olib bordi.

Uchrashuvning 66-daqiqasida burchakdan oshirilgan to‘pni Abduqodir Husanov darvozaga yo‘lladi.  To‘p jamoadoshi Nzolaga tegib «PSJ» darvozasiga joylashdi. Gol dastlab Abduqodir Husanov hisobiga yozildi, so‘ng Nzola nomiga o‘zgartirildi. Yurtdoshimizga esa asist qayd etildi.

Uchrashuvda parijliklar hujumchisi Ramush hisobni tenglashtirdi.

Uchrashuvning asosiy vaqti durang bilan yakunlandi. Husanov penaltilar seriyasidan oldin zaxiraga olindi. Seriyada «PSJ» ustun kelib, nimchorak finalga chiqdi.

Uchrashuvda O‘zbekiston terma jamoasi a’zosi eng yuqori ball oldi, biroq uning jamoasi musobaqani tark etdi.

«Lans» — «PSJ» 1:1

Penaltilar seriyasi — 3:4.

Gollar: 1:0 — Nzola (66), 1:1 — Ramush (70).

«Lans»: Koffi, Mashadu (Chaves, 90), Frankovski, Medina, Danzo, Husanov (Sarr, 90+6), Diuf, Al Enaui, Tomasson (Sotoka, 89), Fyuljeni (David Koshta, 70), Nzola.

«PSJ»: Safonov, Mendesh, Pacho, Markinos, Hakimi, Joau Nevesh, Vitinya, Fabian Ruis (Zair-Emeri, 57), Due (Gonsalu Ramush, 66), Li Kan In (Barkolya, 66), Dembele.

Ogohlantirishlar: Markinos (67), Husanov (75).