Shavkat Mirziyoyev Rodrigo Dutertega ta’ziya izhor etdi
O‘zbekiston Respublikasi Prezidenti Shavkat Mirziyoyev Filippin Respublikasida vayronkor toshqin va yer ko‘chishi yuz berib, ko‘plab insonlar qurbon bo‘lgani munosabati bilan ushbu mamlakat Prezidenti Rodrigo Dutertega ta’ziya izhor etdi. Bu haqda Prezident matbuot xizmati xabar berdi.
Eslatib o‘tish kerak, Filippin janubidagi Mindanao orolida yuz bergan Tambin tropik to‘foni oqibatida 200 nafardan ziyod kishi halok bo‘lgan, 160 nafar bedarak yo‘qolgan. Bundan tashqari, 70 ming odam boshpanasiz qolgan.
Politsiya oroldagi Salog daryosidan bir necha o‘n kishining jasadi topilganini ma’lum qilgan. Yuz bergan to‘fon suv toshqinlari keltirib chiqargan va yerning loyqalanishiga sabab bo‘lgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter