Rossiya TIV: «G‘arbning asosiy niyati — JCh-2018ni boykot qilish»
Rossiya TIV rasmiy vakili Mariya Zaxarova
Rossiya va ko‘plab G‘arb davlatlari o‘rtasidagi munosabatlaring sovuqlashuvi va diplomatlarning chiqarib yuborilishidan asosiy maqsad futbol bo‘yicha jahon chempionatining Rossiyada o‘tkazilishiga yo‘l qo‘ymaslikdir. Mazkur fikrni bugun, 1-aprel kuni Rossiya tashqi ishlar vazirligi rasmiy vakili Mariya Zaxarova ma’lum qilgan. Bu haqda «RIA Novosti» xabar berdi.
«Men shunday tasavvur qilayapman, hamma harakatlar mazkur o‘yinlarni rus maydonida o‘tkazmaslikka qaratilgan. Barcha «usullar» yaxshi, niyat esa Rossiyadan jahon chempionatini tortib olish», — degan Zaxarova.
Ma’lumki, joriy yilning 4-mart kuni Buyuk Britaniyaning Solsberi shahrida rossiyalik sobiq josus Sergey Skripal va uning qizi Yuliyaning zaharlanishi tufayli G‘arb davlatlari va Rossiya o‘rtasidagi munosabatlar yomonlashdi. Hatto Buyuk Britaniya va Islandiya hukumati Rossiyadagi jahon chempionatiga bormasliklarini ma’lum qildilar.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter