O‘zbekiston Respublikasi Prezidenti Namangan shahar Davlat xizmatlari markaziga tashrifi davomida mazkur muassasaning uchinchi qavatida joylashgan «Oila» ilmiy-amaliy tadqiqot markazi viloyat bo‘limi hamda Namangan innovatsiya markazi faoliyati bilan ham tanishgan edi.

— Xotin-qizlar qo‘mitalari vakillari endi yig‘ilishma-yig‘ilish yurmaydi, o‘z uchastkasidagi ayollar muammolari bilan shug‘ullanadi. Bu sohadagi eng katta illat — xotin-qizlar qo‘mitalari o‘z ortidan hech kimni ergashtirolmaydi. Bunga barham berilsagina, jamiyatimizdagi ma’naviy muhit o‘zgaradi, xotin-qizlar muammolari kamayadi, — dedi Shavkat Mirziyoyev.

Davlat rahbari xotin-qizlar ishsizligining oldini olish, ko‘rsatilayotgan tibbiy xizmatni, uy-joy sharoitini yaxshilash, ayollar tadbirkorligini rivojlantirish yuzasidan mutasaddilarga zarur topshiriqlar berdi.

Prezident tashrifidan keyin «Oila» ilmiy-amaliy tadqiqot markazining Namangan shahar va 11 tuman bo‘limlariga «Spark» rusumli avtomashinalar sovg‘a qilindi. Bu haqda «Namnews.uz» portali xabar berdi.