Narzullo Oblomurodov Ekologik partiyadan nomzod sifatida tasdiqlandi. Partiyaning III s’yezdida Oblomurodov nomzodi bir ovozdan qo‘llab-quvvatlangan.

«Atrof-muhitni asrashga oid fan maktabgacha ta’lim muassasidan boshlab majburiy o‘qitilishi kerak. Partiya eko-siyosatni davlat darajasiga olib chiqishni rejalashtirgan», — deydi Oblomurodov.

O‘zbekiston Ekologik partiyasi prezidentlik saylovlarida «Biz kelajak uchun javobgarmiz» shiori ostida qatnashadilar.

Narzullo Naimovich Oblomurodov 1975-yilda Samarqand viloyatida tug‘ilgan. Jahon iqtisodiyoti va diplomatiya universiteti hamda Birmingem universiteti (Buyuk Britaniya)ni tamomlagan. Mutaxasisligi iqtisodchi. Iqtisod fanlari nomzodi, dotsent.

2020-2021-yillarda Narzullo Oblomurodov O‘zbekiston Respublikasi Ekologiya va atrof-muhitni muhofaza qilish davlat qo‘mitasi raisining birinchi o‘rinbosari sifatida mamlakatimizda tobora dolzarb bo‘lib borayotgan ekologik muammolarni hal etishda ishtirok etgan.

2021-yil 1-fevraldan O‘zbekiston Ekologik partiyasi Markaziy Kengashi Ijroiya qo‘mitasi raisi lavozimida faoliyat olib bormoqda. Narzullo Oblomurodov oilali, uch nafar farzandi bor.