Jismoniy shaxslar 2022-yil 1-yanvardan ko‘chmas mulkni ijaraga berish yoki tekin foydalanish shartnomalarini «E-ijara» xizmati orqali soliq organlarida ro‘yxatdan o‘tkazishi shart. Bu haqda Davlat soliq qo‘mitasi axborot xizmati ma’lum qildi.

Xabar berilishicha, 2022-yil 1-oktyabr holatiga soliq organlarida 96 mingdan ortiq turar joy ijara shartnomasi ro‘yxatga olingan.

Mavjud ma’lumotlar tahliliga ko‘ra Toshkent shahrida uy-joy ijarasi o‘rtacha oylik 1 mln so‘mdan ko‘proqni tashkil qiladi.

Hududlarda ijara haqining o‘rtacha miqdori 630 ming so‘mdan 977 ming so‘mgacha.

Respublikada ijaraga berilgan turar-joy ob’yektlari:

• 2 mln so‘mdan 5 mln so‘mgacha – 3 240 ta;
• 5 mln so‘mdan ortiq – 255 ta.

Soliq solish maqsadida 2022 yilda ko‘chmas mulkni ijaraga beruvchi jismoniy shaxslar uchun 1 kv. metr yashash maydoni:

• Toshkent shahrida – 15 500 so‘m;
• Nukus va viloyat markazlarida – 9 500 so‘m;
• boshqa aholi punktlarida - 4 000 so‘m etib belgilangan.

Mol-mulkni ijaraga berishdan olingan daromadlar mulkiy daromadlar tarkibiga kiradi va 12 foiz stavkada jismoniy shaxslardan olinadigan daromad solig‘iga tortiladi.

Turar-joylarni talabalarga ijaraga bergan fuqarolar ushbu daromadi uchun jismoniy shaxslardan olinadigan daromad solig‘i to‘lamaydi.