Tolibon terrorchilik tashkilotining jangarilari Afg‘onistonning Bag‘lon viloyatidagi Julga mintaqasidagi harbiylarga hujum uyushtirdi. Natijada sakkiz xavfsizlik xizmati xodimi vafot etgan. Bu haqda Tolo News telekanali xabar bermoqda.

«Tolibonning kuchi hozirgi afg‘on rejimining zaifligidadir», — deydi Rossiya Federatsiyasi Prezidentining Afg‘oniston bo‘yicha maxsus vakili Zamir Kabulov Istanbuldagi konferensiyaning muvaffaqiyatsizligi, Islom amirligi va AQSh harbiy bazalari to‘g‘risida gapirarkan.

Marhumlar: xavfsizlik kuchlari, jumladan, Julga tumanidagi politsiya boshlig‘i Gulbuddin va Burka Baglona tumanidagi politsiya boshlig‘i Lotful-ul-Haq. Ular voqea sodir bo‘lgan joyga toliblar bilan jangda xavfsizlik kuchlariga yordam berish uchun kelishgandi.

Ta’kidlanishicha, xavfsizlik xizmati xodimlari so‘nggi 24 soat ichida kamida 10ta viloyatda hukumat kuchlari va Tolibon o‘rtasida to‘qnashuvlar sodir bo‘lganini ma’lum qilishgan.

Eslatib o‘tamiz, 10 may kuni Afg‘oniston janubidagi Zobul viloyatida yo‘l bo‘yidagi bomba portlashi natijasida 16 kishi halok bo‘ldi. 14 may kuni Shakar-Dara qishlog‘idagi juma namozi paytida masjidda portlash sodir bo‘ldi. 12 afg‘on o‘ldirilgan.