Tojmahal talofat ko‘rdi
Hindistonning ramzlaridan biri bo‘lgan Tojmahalning ikkita minorasi qulab tushdi. Bu haqda «The Times of India» sayti xabar bermoqda.
Agra shahridagi qadimiy obidaga kuchli shamol zarar yetkazgan. Mutasaddilar qulagan minoralardan biri Qirol darvozasi, ikkinchisi esa Janubiy darvoza tomonda ekanini aytishgan.
Tabiiy ofat boshqa minoralarga ziyon yetkazmagan.
XVII asrda bunyod etilgan Tojmahal dunyoning yetti mo‘’jizasidan biri hisoblanadi. Bu obidaga har kuni 12 ming nafar ziyoratchi tashrif buyuradi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter