TikTok reklamadan tushgan pulni video mualliflari bilan bo‘lishadi
Qisqa videoroliklar yaratish va tomosha qilishga mo‘ljallangan TikTok servisi kontent egalariga pul ishlashning yangi usulini taklif qilmoqda.
Servis yo‘lga qo‘yadigan yangi dasturga ko‘ra, yetakchi mualliflarning videoroliklari bilan yonma-yon reklama joylashtirilsa, ularga reklamadan tushgan mablag‘ning bir qismi o‘tkazib beriladi.
Shunga o‘xshash taqdirlash dasturi YouTube videoservisida ham bor.
TikTok Pulse yangi dasturi doirasida «TikTok dagi 4 foiz eng yaxshi video»da reklamalar namoyish etilishi rejalashtirilgan. Reklamadan barcha tiktokerlar pul ishlay olmaydi. Obunachilari soni 100 ming nafardan kam bo‘lmagan mualliflargina «reklama puli» ishlashlari mumkin.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter