Tesla yangi arzon elektromobillar chiqarishi kutilmoqda
Tesla kompaniyasi 30 ming dollardan arzon elektromobillarining yangi modellarini chiqarishi haqida xabarlar paydo bo‘ldi. 2025-yil boshida kompaniya bir nechta yangi modelini taqdim etishi kutilyapti.
Global ChinaEV portali yozishicha, Tesla kelgusi yilning birinchi yarmida Model Q turkumiga kiruvchi yangi elektromobilini taqdim etadi. Bu mashinaning kod nomi Redwood bo‘lib, Model 3 ga nisbatan 15 foiz kichik va 30 foiz yengil.
Manbalarga ko‘ra, bu elektromobillarga 53 va 75 kilovatt-soatli LFP akkumulyator batareyalari o‘rnatiladi, bitta va ikkita dvigatelli talqinlari chiqariladi.
Ammo Ilon Maskning o‘zi avvalroq Tesla arzon elektromobillar chiqarish rejasidan voz kechib, haydovchisiz boshqariladigan Cybercab va Cybervan modellari ustida ishlashini ma’lum qilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter